Tuldok

Tuldok.  

Hasta luminaba. 

Nakahaman ka na ning linya.

Kuminurit kapa. 

Sunud na luminuwas an mga letra.

Asin padagus mung pinahiro an saimong kamot.

An saimung pansurat. 

Asin an saimung papel, na nakapatong sa libro,

Napanu kan saimung paghurup hurup na minamate.

An papel na dating malinig, Napanu kan saimung mahirung kaisipan.

Dikit na oras pa. Nakahaman ka na ning estorya.

Saro… 

Duwa…  

Tulo…

Apat na taon man an uminagi Kan makagibu ka ning sarong nobela.

Kagibu sana kan saimung minamate,

May nahaman ka na namang babasahun.

Minsan pa ngani pinaghuhugutan ning inspirasyon kan iba.

Makulog sa pamau. 

Nakakaalang hutok.

Mapagal sa kamut. 

Makagutum na biyu.

Perohabang nabubuhay ako.

Dae nanggad mapundong magsurat an sarong arug ko.