Skip to main content

SLOW DOWN


Maarasahas na naman an panahon
Kawsa kan magabat na pag uran
Kan mga minaaging aldaw
Alisngaw kan daga
Ribuk kan traysikel asin jeep
Minabuga nin maating asu

Paglakaw ko subagu
Eu na naman an naobserbahan ko,
Si kapay sa gilid kan San Francisco
Eu man guiraray an sitwasyon
May darang karton asin plastic bag
Nakangirit, nagtataram solo
Anu daw ang nasa isip kato?!

Si mga taong nagkakasarabatan ko
Biyung kinurumus an mukha
Tiripig an angug
Nakikisabay sa init kan panahon 
An init kan pamayu




Nagmamadali….




Sa paglakaw…





Sa pagkabuhay…





Ni dae na tinawan an sadiri nin kapahingaluan






Blaaaaggg!!!...






Biglang may nagburunguang sasakyan…
Pasa si salming kan kotse,
Nakairarum si motor…
Pasa si pamayu kan nakasunu sa motor,
Nin huli kan kahihidali…
Sarung tao na naman ang nag sakripisyo…

Diretso lang si paglakaw ko…
Habang hararum na kinakalut sa sakuyang utak ang pangyayari…






Blaaaagggg!!!...




Nabangga ako sa karatula…
Nagpundu ako, hasta binasa an nakasurat duman…







“SLOW DOWN”





Ang buhay nin tao sa kinaban haliput sana,
pero dae arug kato kaliput para magmadali kita sa buhay….
Dae arug kato kaliput para manudan ta an pagpadangat
asin ang pagpapatawad…
dae arug kato kaliput para dae kita magkaugwang oras para maging maugma… 

 :)



Comments

Post a Comment

Popular posts from this blog

Di ko kasalanan kung bakit adik ako ngayon sa kape…

tarah kape tayo?  Di ko kasalanan kung bakit adik ako ngayon sa kape…     mas mabuti narin siguro yun kesa sa marijuana o sa shabu ako na- adik. Di ko kasalanan kung bakit adik ako ngayon sa kape…  sisihin nyo yung nakaimbento na pwede palang lantakan ang kape at di sa ibang bagay nagiging kapakipakinabang. Di ko kasalanan kung bakit adik ako ngayon sa kape… tuwang – tuwa naman yung pinag bibilhan ko ng kape, mantakin mung tatlong beses o mahigit pang baso ng kape ang naiinum ko araw – araw. Di ko kasalanan kung bakit adik ako ngayon sa kape… ♪♫♪ “nais kung mag beer house ngunit kulang ang pera, kaya’t nagkakape nalang dagdag pa sa kaba...... " ♪♫♪ yka nga ng siakol, “substitute products” – sabi ng microeconomics prof. namen, kapag mas mababa daw ang presyo ng “substitute products” kupara sa aktwal na produktong nais mung bilhin, bababa ang “demand” sa aktwal na produkto at tataas naman ang “demand” para sa “substitute products...
Post a Comment
Read more

Pwerte naman!!!

Pwerte an lipot. Dawa biyu an pagsuksuk mu sa gilid,  alagad patus – patus ka  nin tamung, habang inuubos mu an tinimplang kape sa saimung  baso, an saimung hinangus putol – putol na nagluluwas asin an durus dae nag babago, naluluum ka sa kadikluman,kawsa kan kawaran kan ilaw, pinipirit mu man itikup an saimung malsuk, an saimung tulak man an biyung nagriribuk,nag aagrangay sa kulog. Mala kaya ta an saindung sinapna abut lang Pangudtuhan,  kaya kape na sana an Saindung pinamangihan… Kape na harus pa sana, asukar na sana an lasa. An mga bura kan talapang,nagdararalagan na kinu sa atup, yaun pa an mga lamok na mayong ibang maginibu kundi mangagat sa saimung kublit. Abu ka lamang untukan.  Mala… Namuklat ka man guiraray… Aga na palan,  dae mo na namalayan Na napaturug ka man palan dawa, Nagbuburura si mga talapang, Nagdadaralagan si mga kinu sa saindung atup, Alagad si mga lamuk na dae ka inuntukan, Na nagkawsa ...
Post a Comment
Read more

Madya! Bisitahun ta ang SIRUMA!

Mag puun sa halabang byahe kan jeep, hasta tumagilid, pirang beses kang maghugdu asin kaipuhang makiuyun ang saimung hawak sa pag andar kan sasakyan. Si medyo lulaun mairikot man talaga ang tulak asin pamayu, sa paghakalabang tinampong kaipuhan balyuhun nganig makaduman ka sa lugar na ini. Lantsa , para sa gusto  man mag agi sa mayamang kadagatan. Alagad pag ika naman nakatumak sa lugar na padudumanan, Biyung nagsusurulwak sa kagayunan asin sa yaman ang lugar na iniyu, Magpuun sa kagayunan kang pwesto kaini and mga taong mahihigus asin nagtatarabang tabang, nangad ang malaen laen na pagkakan na isisirbi saindu. Turukal kasag, hirimay sira, kurudot ning langka asin hungit nin kadakulang maluto, tapos malaguk kang maliput na tubig ay abaanang siram mabuhay sa SIRUMA. Medyo masakit lang ang pagsakdo kan tubig, pero sa dae matatawarang kahigusan, pagtatarabangan asin pagpadangat sa kada saru, gabus nagigibuhan paagi. ...
Post a Comment
Read more