- Pwerte an lipot.
Dawa biyu an pagsuksuk mu sa gilid,
alagad patus – patus ka nin tamung,
habang inuubos mu an tinimplang kape sa saimung baso,
an saimung hinangus putol – putol na nagluluwas asin an durus dae nag babago,
naluluum ka sa kadikluman,kawsa kan kawaran kan ilaw,
pinipirit mu man itikup an saimung malsuk,
an saimung tulak man an biyung nagriribuk,nag aagrangay sa kulog.
Mala kaya ta an saindung sinapna abut lang Pangudtuhan,
kaya kape na sana an Saindung pinamangihan…
Kape na harus pa sana, asukar na sana an lasa.
An mga bura kan talapang,nagdararalagan na kinu sa atup,
yaun pa an mga lamok na mayong ibang maginibu kundi mangagat sa saimung kublit.
Abu ka lamang untukan.
Mala…
Namuklat ka man guiraray…
Aga na palan,
dae mo na namalayan Na napaturug ka man palan dawa,
Nagbuburura si mga talapang,
Nagdadaralagan si mga kinu sa saindung atup,
Alagad si mga lamuk na dae ka inuntukan,
Na nagkawsa kan limang libaka sa saimung lawas.
Maung laman an kaldero…
An saimung tulak pwerte nang nagrereklamo,
Sa haldat mung sinasapo…
Mau ka pang pamasahe pag eskwela.
An saimung sapatos na tukal na,
Sinulot mu pa guiraray.
Dawa nakasirip na an saimung medyas.
Pabalyo ka nang tinampu,
Nakahiling kang aki sa gilid kan riprap,
Napapatus nin karton.
Malungsi na nagtatakig pa.
Nagirumduman mo an saimung hinigdaan subangui,
Naisip mong mas maswerte ka pa,
Ta dae ka pa nakaranas maghigda sa gilid kan tinampu na karton lang an hapin nanggad an tamung.
Na kung iisipun pamangihan lang ang tinius mung dae makakan,
Alagad si aki sa gilid kan tinampo,
sarong semana nang dae tultol an pagkakan,
na mas gugustuhun mo pang magdangug an mga bura kan talapang,
an ribuk kan mga nagdadaralagang kinu sa atup nindu asin an kagat kan lamok,
kesa an tanug kan darakulang sasakyan.
Na maung kasiguraduhan na baka bigla Na sanang makabungo sa saimung lawas…Napahangus kan hararum…
Kapot an saimung libro,
buminalyo ka sa tinampo,
Sabay luminaog ka sa eskwelahan…
Dara an gabat sa saimung daghan…
#buhay ng tao #poverty #reflection #life #bikol
Comments